మంగళగిరి: మంగళగిరి సాహితీ కళా వేదిక కన్వీనర్, తెలుగుదేశం పార్టీ రాష్ట్ర చేనేత నాయకులు గుత్తికొండ ధనుంజయ రావు ఒక నిబద్ధత గల ప్రజాసేవకుడని ఆంధ్ర నాట కళా సమితి అధ్యక్షులు నాన్నపనేని నాగేశ్వరరావు కొనియాడారు. మంగళగిరి నాంచారమ్మ ప్రాంగణంలోని భావనారుషిస్వామి దేవస్థానం వద్ద మంగళగిరి సాహితీ కళావేదిక కో కన్వీనర్ గోలి మధు ఆధ్వర్యంలో జరిగిన ధనుంజయ పుట్టిన రోజు వేడుకల్లో ఆయన మాట్లాడారు. రాజకీయాలలో కూడా ధనుంజయ ఒకే పార్టీని అంటిపెట్టుకుని ఉన్నారన్నారు. మంగళగిరి బుద్ద విహార వ్యవస్థాపక అధ్యక్షులు రేఖ కృష్ణార్జున రావు మాట్లాడుతూ, రాజకీయ సేవలో నాలుగు దశాబ్దాలకుపైగా నిబద్ధతగా, నిలకడగా సేవలందించటం అభినందనీయమన్నారు. మరో పక్క వివిధ ప్రజా సంఘాలు, కళా సాంస్కృతిక రంగాలపై మక్కువతో గత కొన్ని సంవత్సరాలుగా మంగళగిరి సాహితీ కళావేదిక కన్వీనర్ గా కొనసాగుతున్నారన్నారు. పద్మశాలి ఇంటర్నేషనల్ వెల్ఫేర్ అసోసియేషన్ కేంద్ర కమిటీ అధ్యక్షులు స్వర్గం పుల్లారావు మాట్లాడుతూ, ధనుంజయ రావు మంగళగిరి నియోజకవర్గంలోనే కాకుండా రాష్ట్రంలోని అనేక ప్రాంతాల్లో ఉన్న చేనేత కమ్యూనిటీకి చెందిన పేదలను ఆదుకోవటంలో తన వంతు పాత్ర పోషిస్తున్నారని చెప్పారు. తను నమ్ముకున్న పార్టీకి అంకితభావంతో గత 43 సంవత్సరాలుగా సేవలందించడం అభినందనీయమన్నారు. ముందుగా గోలి మధు ఏర్పాటు చేసిన కేకును గుత్తికొండ ధనంజయ రావు, విజయ దంపతులు కట్ చేసి వేడుకలను ప్రారంభించారు. ఈ సందర్భంగా గోలి మధు ప్రముఖ చిత్రకారుడు దాకోజు శివప్రసాద్ (తెలుగుదేశం పార్టీ లోగో సృష్టికర్త)తో గీసిన ఫొటోను ధనుంజయ రావుకు బహుకరించారు. ఈ చిత్రం అందరిని ఆకట్టుకుంది.
No comments:
Post a Comment