మానవత్వం పరిమళించిన 

మంచి మనిషి డాక్టర్ సంజీవ్ కుమార్      

 "వైద్యో నారాయణోహరిః" అనిఆర్యోక్తి. దానికి నిలువెత్తు రూపకంగా చేతిలో స్టెతస్కోప్ పట్టి రోగాలను నయం చేసే ఆయన... సమాజంలోని లక్షలాది నిరుపేదల గుండె చప్పుళ్లను సైతం వింటున్నారు.మంచు తెరలాంటి తెల్లకోటు వేసుకొని పసి పాప బోసినవ్వుల్లాగాచిరునవ్వులు చిందిస్తూ అందరిని ఆత్మీయులుగా భావించి పలుకరించే ఆయనమనసు సైతం తెల్లన.ఆపరేషన్ల ద్వారా ప్రాణాలు పొసేఆయన,సమాజంలోని పేదరికంపై పోరాడుతున్నారు. ఉచిత ఆపరేషన్లు, ఉచిత పెన్షన్లు, పేద విద్యార్థులకు ప్రోత్సాహక బహుమతులు మొదలగు సేవా కార్యక్రమాలు చేస్తూ సమాజంలోని దారిద్య్రానికి ఆపరేషన్ చేస్తున్నారు.ఆ డాక్టర్ మరెవరోకాదు.... ఆయనే శ్రీ శింగరిసంజీవ్ కుమార్. ఆయనగురించిసమాజానికితెలియచేసేభాగ్యంమాకుకలిగినందుకుసంతోషిస్తున్నాను. 

డాక్టర్ సంజీవ్ కుమార్ గారిబాల్యం:వస్త్ర వ్యాపారరంగములోప్రముఖులైనశ్రీశింగరి శ్రీరంగం, శ్రీమతి రంగమ్మ గార్ల పుణ్య దంపతులకు1967 వ సంవత్సరము, జనవరి మాసము 3 వ తేదీన మన కర్నూలు నగరము నందు డాక్టర్ సంజీవ్ కుమార్ గారు జన్మించారు. బాల్యము నుండియు  చాలా హుషారుగా, చురుకుగా ఉంటూ ఆట పాటలంయందు, చదువులంయందు ప్రతిభ కనపరిచేవారు. ఆరుగురి సంతానంలో రెండవ వారు సంజీవ్ కుమార్.

కుటుంబ నేపథ్యం :

·         శింగరి శ్రీరంగం గారి కుటుంబంలో సంజీవ్ కుమార్ ఒక్కరే డాక్టర్ కాదు. ఆయన ఇద్దరు సోదరులు గంగాధర్, అచ్చుతరావు, ముగ్గురు సోదరీమణులు మహాలక్ష్మి, ఛాయాదేవి, మంజుల మొత్తం ఆరుగురూ డాక్టర్లే. విద్య ప్రాధాన్యతను గుర్తించి వారిని చదివించిన ఘనత అంతా వారి మాతాపితలదే. పిల్లలు అందరూ ప్రభుత్వ కాలేజీలలో MBBS సీట్లు సాధించడం విశేషం. అంతే కాదు, ఇద్దరు తమ్ముళ్ల భార్యలు పద్మజ, సువర్ణ, ముగ్గురు సోదరీమణుల భర్తలు సందా సూర్య ప్రకాష్, మందా నాగేశ్వరరావు, కన్నెపల్లి శ్రీనివాస్ లు కూడా డాక్టర్లే. శ్రీరంగం గారి 14 మంది మనవళ్లు, మనవరాళ్లలో ఏడుగురు డాక్టర్లు. ఒక మనవడు, ఒక మనవరాలు డాక్టర్లను పెళ్లి చేసుకున్నారు. వెరసి 21 మంది డాక్టర్లు. వారిది ఓ పెద్ద డాక్టర్ల కుటుంబంగా ప్రసిద్ధికెక్కింది. ఒకే కుటుంబములో 21 మంది డాక్టర్లు ఉండడం రాయలసీమలో ప్రప్రథమం. ఇది బహుశా ఆంధ్ర ప్రదేశ్ వైద్య రంగంలోనే ఒక  అరుదైన రికార్డుగా చెప్పుకోవచ్చు. వీరిలో అత్యధికులు బంగారు పథకాలు సాధించినవారు కావడముమరొక ఒక విశేషం.

·         సంజీవ్ కుమార్గారు 1992 మార్చి 4న  డాక్టర్ బలిమిడి వసుంధరను పెళ్లి చేసుకున్నారు. వారి కుమార్తె కుమారి సౌమ్య కూడా తండ్రి బాటలోనేపయనించి మొదటి ప్రయత్నంలో ఓపెన్ క్యాటగిరీలో కర్నూలు మెడికల్ కాలేజీలో MBBS సీటు సాధించి పూర్తి చేశారు.  వారి ఇద్దరు కుమారులు అక్షయ్, అభిరామ్ 9,8 తరగతులు చదువుతున్నారు.

ప్రతిభాశాలియైనవిద్యార్థి:పువ్వు పుట్టగానే పరిమళిస్తుందన్నట్లు ఆయన తొలి నుంచి చదువులలోప్రతి తరగతిలో ప్రథములుగా నిలుస్తూ, ఉన్నత శిఖరాలు అధిరోహించారు.

·         1971-1982 మధ్య కాలంలో కర్నూలు సెయింట్ జోసెఫ్ ఇంగ్లీష్ మీడియం స్కూల్ లో చదివారు. అక్కడ ప్రతి తరగతిలోనూ అగ్రభాగాన నిలిచారు. విద్యార్థి దశలోనే ఆయనకు నాయకత్వ లక్షణాలు అబ్బడంతో  పదవ తరగతిలో స్కూల్ విద్యార్థి నాయకుడిగా అందరి  ప్రశంశలను పొందారు. 

·         1982-84లో కర్నూలు ప్రభుత్వ జూనియర్ కాలేజీలో ఇంటర్ చదివారు. డిస్టింక్షన్ లో ఉత్తీర్ణులయ్యారు. ఆ పరంపర అలాగే కొనసాగించారు.

·         1984-1990లో MBBS చదివారు. మొదటి ప్రయత్నంలోనే కర్నూలు మెడికల్ కాలేజీ నందు MBBS సీటు సాధించారు. అక్కడ కూడా డిస్టింక్షన్ లో ఉత్తీర్ణులయ్యారు.MBBSఫైనల్ పరీక్షలలో గైనెకాలజి  విభాగంలో విశ్వవిద్యాలయ స్థాయిలో 1^st Rank తో బంగారు పతకం సాధించారు. జనరల్ సర్జరీ విభాగంలో ద్వితీయ స్థానంలో నిలిచారు. 

·         1992-1995 మధ్య కాలములో కర్నూలు మెడికల్ కాలేజీలో MS జనరల్ సర్జరీ చదివారు. MSప్రవేశ పరీక్షలో విశ్వవిద్యాలయ స్థాయిలో 5వ ర్యాంక్ సాధించి ఓపెన్ కేటగిరీలో సీటు పొందారు.యూనివర్సిటీ 1st Rank తో MS పూర్తి చేశారు.

·         1998-2000 :MChయూరాలజీసూపర్ స్పెషాలిటీకోర్సుప్రవేశ పరీక్షలో రాష్ట్ర స్థాయి 2^nd Rank సాధించి, హైద్రాబాదులోనిఉస్మానియా మెడికల్ కాలేజీనందుచదివారు. MCh Finalపరీక్షలందు డిస్టింక్షన్ లో ఉత్తీర్ణులయ్యారు.

·         "ప్రతిభ" మరియు “అణకువ” ఉంటే దేనైనా సాధించ వచ్చని మన డాక్టర్ గారు విద్యార్థి దశ నుండే నిరూపించి ఎందరో భావి విద్యార్థులకు మార్గ దర్శకులైనారు.

వైద్యసేవలోనిష్ణాతుడు :అత్యధిక సంఖ్యలో లాప్రోస్కోపిక్ ఆపరేషన్లు చేసిన ఘనత ఆయనది. ప్రజల డాక్టరుగా,ఉత్తమ వైద్యులుగా పేరు గడించారు.

·         1990-1992 మధ్య కాలము :కర్నూలు నగరము నరసింగ రావు పేటలో  “బెంగుళూరు హాస్పిటల్” అను సర్జికల్ క్లినిక్ స్థాపించి, వేల సంఖ్యలో  శస్త్ర చికిత్సలు నిర్వహించారు. “2000 వేల రూపాయలకేఆపరేషన్లు” అన్న నినాదంతో వేల మంది పేదల గుండెలలో “పేదల డాక్టరు” గా నిలిచిపోయారు.

·         2000- 2005 మధ్య కాలము :కర్నూలు నగరము జిప్సన్ కాలనీలో  “బెంగుళూరుసూపర్ స్పెషలిటీ హాస్పిటల్” అను సర్జికల్ హాస్పిటల్స్థాపించి యూరాలజీ మరియు లాపరోస్కోపీ విభాగాలలో పేరు గడించారు.

·        2006 నుండి ప్రస్తుతము వరకు :పేదలకు తక్కువ ఖర్చుతో కార్పొరేట్ స్థాయి వైద్యం అందించాలన్న సంకల్పంతో కర్నూలులోని వెంకటరమణ కాలనీ నందు, అత్యాధునిక వసతులతో 50 పడకల “ఆయుష్మాన్ ద ఫ్యామిలీ హాస్పటల్” స్థాపించారు. ఈ ఆస్పత్రి ద్వారా కర్నూలు, కడప, అనంతపురం, చిత్తూరు, ప్రకాశం, మహబూబ్ నగర్ మరియు బళ్ళారి జిల్లాల ప్రజలకు అత్యాధునిక వైద్య సేవలు అందుబాటులోకి తీసుకువచ్చారు. ఇది కార్పోరేట్ ఆస్పత్రి. ఇక్కడ కార్పోరేట్ వైద్యం అందుతుంది. ఫీజులు మాత్రం అందరికీ అందుబాటులో ఉంటాయి. అదే దీని ప్రత్యేకత. అది డాక్టర్ సంజీవ్ కుమార్ గారికేసాధ్యమయ్యింది. ఇక్కడ సర్జికల్ గ్యాస్ట్రోఎంట్రాలజీ, జనరల్ సర్జరీ, యూరాలజీ, గైనకాలజీ సంబంధిత వ్యాధులకు ల్యాప్రోస్కోపి పద్ధతిలో శస్త్ర చికిత్సలు చేస్తారు. అపెండిక్స్, పిత్తాశయంహెర్నియా, కడుపు నొప్పి, అల్సర్, వరిబీజం, గొంతులో గడ్డలు, మొలలు, కిడ్నీలో రాళ్లు, ఎక్టోపిక్ గర్భం, అండాశయ, గర్భాశయవ్యాధులు ... మొదలైన అన్ని రకాల వ్యాధులకు శస్త్ర చికిత్సలు చేస్తారు. లేజర్ సర్జరీ కూడా ఇక్కడ అందుబాటులో ఉంది.  ఈ ఆస్పత్రి ద్వారా ఆయన  ప్రజలకు బాగా చేరువయ్యారు. రోగులతో నవ్వుతూ మాట్లాడుతూ, వారిలో మనోధైర్యాన్ని నింపుతూ ప్రజల మన్నన పొందుతున్నారు.  "హస్తవాసి మంచిది" అన్న పేరు పొందారు.పేద ప్రజలకు "సంజీవని " అందిస్తూ, తనపేరును  సార్థకం చేసుకున్నారు.

సేవా తత్పరత వంశపార్యంపరంగావచ్చింది: "మానవ సేవ్ మాధవ సేవ" అను సూక్త్యానుసారం సేవా దృక్పథం అనేది వారి రుధిరంలోనే ఉంది.  జననీజనకులనుండి  ఆయనకు వారసత్వముగా సంక్రమించింది. సమస్త దానాలలోకెల్లా గొప్ప దానం భూదానం. దాని ప్రాముఖ్యతను గుర్తించిశ్రీశ్రీరంగం గారు తన సోదరులతో కలిసి పత్తికొండ గ్రామములోని పెద్దల ఆస్తి అయిన 7 ఎకరాల భూమిని 145 కుటుంబాలకు ఉచితంగా ఇచ్చారు.“అంజనేయ నగర్”అని పిలువబడే ఆ కాలనీ పత్తికొండ పాత పేటలో ఉన్నది. సమాజములో వెనుకబడిన వర్గాల వారినిఆదరించడములో తాము ముందుంటామనినిరూపించుకున్న కుటుంబం డాక్టర్ గారిది.

పేదప్రజల గుండె చప్పుడుడాక్టర్శింగరిసంజీవ్కుమార్ : తండ్రి లక్షణాలు పుణికిపుచ్చుకున్న డాక్టర్ సంజీవ్ కుమార్గారు పేద ప్రజల గుండె చప్పుడై చేపడుతున్న  సే

వా కార్యక్రమాలు :

v  పెన్షన్లు : మిత్రుడు వేమయ్య మరియు సోదరుడు అచ్యుతరావుతో కలిసి గత రెండున్నర సంవత్సరములుగా 30 నిరుపేద కుటుంబాలకు నెలకు రూ. 1000/- చొప్పున పెన్షన్ అందిస్తున్నారు.

v  ఉచిత వైద్య శిబిరములు:

·         "ఆరోగ్యమే మహాభాగ్యము"అన్న సూత్రాన్ని గుర్తించి 2008 నుండి2016  వరకుఆయుష్మాన్ ఫ్యామిలీ హాస్పిటల్ ఆధ్వర్యంలో కర్నూలు జిల్లా వ్యాప్తంగా 416 ఉచిత మెడికల్ క్యాంపులు నిర్వహించి, ఉచితంగా మందులు పంపీణీ  చేశారు.

·         2016లో జాతిపిత మహాత్మా గాంధీ జయంతి రోజున ఆనంద జ్యోతి సేవా  ట్రస్ట్మరియు బుట్టా ఫౌండేషన్వారిఆధ్వర్యములో ఒకే రోజు 7 ఉచిత మెడికల్ క్యాంపులు నిర్వహించి 7520మందికి ఉచిత వైద్యం అందించారు. వలసలకు పేరొందిన కర్నూలు, కల్లూరు, కోడుమూరు, ఎమ్మిగనూరు, ఆదోని, దేవనకొండ మరియు పత్తికొండ గ్రామాలలో ఈ సేవా కార్యక్రమం నిర్వహించారు.

·         2018 ఆగష్టు నుండి 2019 జనవరి వరకు :“ఆనంద  జ్యోతి 100 ఉచిత క్యాంపులు 500 ఉచిత ఆపరేషన్లు” అను పథకంలో భాగంగా 62 ఉచిత సర్జరీ క్యాంపులు నిర్వహించి, 375 ఉచిత ఆపరేషన్లు చేయడం విశేషం.ఆరోగ్యశ్రీ పథకంలో లేని వ్యాధులకు కూడా ఆనంద జ్యోతి సేవా ట్రస్ట్ ద్వారా ఉచితంగా శస్త్ర చికిత్సలు చేస్తున్నారు. హాస్పటల్ బెడ్ ఛార్జీలు, ఆపరేషన్ థియేటర్ చార్జీలు, ఆక్సిజన్, డాక్టర్ ఫీజులు, నర్సు ఫీజు, రక్త పరీక్షలు అన్నీ ఉచితం. రోగులు మందుల ఖర్చు మాత్రమే భరించవలసి ఉంటుంది.

v  విద్యార్థులకు ప్రోత్సాహకాలు:

·         మనిషిలోని అంతర్గతంగా దాగిన శక్తులను వెలికి తీయటానికి గల ఏకైక మార్గం ప్రోత్సాహకాలివ్వడం. ప్రతిసంవత్సరం పదవ తరగతి,  ఇంటర్మీడియట్ మరియు డిగ్రీ కోర్సులలో ఉత్తమ ర్యాంకులు సాధించిన విద్యార్థులకు  ప్రోత్సహకాలు అందిస్తూ వారికి  బాసటగా నిలుస్తున్నారు.

·         "విద్యార్జనకు పేదరికం అడ్డు కాదు".నిరుపేద కుటుంబములో జన్మించి 2016 MBBS ప్రవేశ పరీక్షలో రాష్ట్ర స్థాయి 1^ST RANK సాధించిన  మాచాని హేమలత గారికి, మిత్రులతో కలిసి, పౌర సన్మానం చేశారు. రాజకీయ ఉద్దండులు, మేధావులుమరియువేలాది  మంది జొహరాపురంప్రజలు పాల్గొన్న ఆ కార్యక్రమము గ్రామీణ పేద ప్రజలలో ఆత్మస్థైర్యాన్ని నింపింది.

v  ఉద్యోగ మేళాలు: నిరుద్యోగ అభ్యర్థులకు ఉద్యోగ మేళాలు ఏర్పాటు చేసి ఉపాధి కల్పించేందుకు పలు సార్లు ఉద్యోగ మేళాలు నిర్వహించారు.

v  ప్రవేశ పర్రేక్షలకు కోచింగ్: ప్రతిభావంతులైన విద్యార్థులకు బ్యాంకింగ్ మరియు సివిల్స్ ప్రవేశ పరీక్షలకోచింగ్ఇప్పిస్తూ అవసరమైన సహాయ సహకారాలు అందిస్తున్నారు.

v  వివాహ పరిచయ వేదికలు: గత మూడు సంవత్సరాలుగా అన్ని వర్గాల ప్రజలకు ఉచిత వివాహ పరిచయ వేదికలు నిర్వహించారు.

v  ఆపత్కర సమయాలలో మానవత్వం:"ఆపద సమయాలలో వెన్ను తట్టి నిలిచి ఆదుకున్నవాడే నిజమైన మిత్రుడు"  అని గ్రహించిన వారు కావటం చేత, కర్నూలువరదలసమయములోవందల మందికిఆయుష్మాన్ఆసుపత్రిలోఆశ్రయంకల్పించిభోజనవసతిసమకూర్చారు.ఉచిత వైద్య సేవలు అందించారు.

v  సంఘ సేవ: కుల సంఘాలలో మరియు బలహీన వర్గాలలో ఐకమత్యం సాధించేందుకు ఆంధ్ర ప్రదేశ్ లోని  13 జిల్లాలు పర్యటించి సంఘీయులను విశేషంగా చైతన్య పరిచారు.

v  కర్నూలు ఫోర్ట్ లయిన్స్ క్లబ్ ఉపాధ్యక్షుడిగా సేవలు అందించారు.

v  లలిత కళలలో ఉచిత శిక్షణ : తన చుట్టూ ఉన్న ప్రజలు సంతోషంగా ఉండాలన్న మనస్తత్వం వారిది. కుల మతాలు, ఆర్ధిక స్తోమతలకు అతీతంగా అన్ని వర్గాల ప్రజలకు లలిత కళలలో, POPA ద్వారా, ఉచితంగా శిక్షణ ఇస్తున్నారు.జిల్లా స్థాయి ఉద్యోగస్తులు కూడా  తమ పిల్లలను ఈ శిక్షణా తరగతులకు పంపిస్తున్నారంటే శిక్షణా ప్రమాణాల స్థాయిని మనం అర్థం చేసుకోవచ్చు.

ఈ విధంగా ఆయన అన్ని వర్గాల వారికి ఆత్మబంధువయ్యారు. ప్రజలజీవితాలలో వెలుగు నింపేందుకు, మహోన్నత విలువలతోసేవలు అందిస్తూ, సమాజ నిర్మాణానికి నడుంకట్టి ముందడుగు వేస్తున్న డా. సంజీవ్ కుమార్ గారు ఆదర్శనీయులు.

రాజకీయరంగప్రవేశం :

శింగరి శ్రీరంగ వంశబ్దశింగరిసంజీవ కుమార్నామధేయా ! శ్రీరంగం రంగమ్మల పుత్ర రత్నమా ! మీ పేరులోనే ఆదర్శం, సేవా గుణం సమ్మిళతములై ప్రకాశించినవి. అందుకే జీవం పొసే "సంజీవ కుమార్" గా ప్రముఖ వైద్యులుగా కీర్తి గడించావు. దాదాపు 27 సంవత్సరాలు మీ శ్రీమతి వసుంధరతో కలిసి కుటుంబ భారాన్ని మోశారు.

సామాన్యుల కష్టాలు గుర్తెరిగిన కుటుంబం మీది. అందుకే పరంపరగా వచ్చిన పొలాన్ని నిలువ నీడ లేక నిరాశ్రయులైన వారికి ధారాదత్తం చేశారు మీ పెద్దలు. రెక్కాడితే కానీ డొక్కాడని పేద ప్రజల ఇళ్లలో దీపం వెలిగించారు.

నిజాయితీగా వైద్య సేవలు చేస్తూ ‘సామాన్యులకు కూడా వైద్యము భారము కాదు’అని నిరూపించారు. నిరూపిస్తూ ఉన్నారు. వైద్య శాస్త్ర సాంకేతికకు మారు పేరుగా కర్నూలు నగరములో వెలిసింది‘ఆయుష్మాన్ హాస్పిటల్’. గతములో ‘బెంగళూరు హాస్పిటల్’పేరుతొ రెండు వేలకే శస్త్ర చికిత్సలునిర్వహించి రాయలసీమలోనే అతి తక్కువ ధరకే ఆపరేషన్ చేసే "పేదల డాక్టరు"గా  ఖ్యాతి గడించారు. పేదల డాక్టరుగా చిన్న-పెద్ద, బీద-ధనిక, అను వ్యత్యాసము చూప కుండా, 'నేను మీ అందరి వాడిని' అని ముందుకు వెళ్తున్నారు. అందరి గుండెల్లో నిలిచి పోయారు.

భాయి భాయి అన్న నినాదాముతో అన్ని కులాలను, మతాలను, వర్గాలను ఏకం చేసి ముందుకు నడిపిస్తున్నారు. ఎందరో కళాకారులను, సామాజిక కార్యకర్తలను, యువతరాన్ని ప్రోత్సహిస్తున్నారు. విద్యార్థులకు చేయూత నిస్తున్నారు. పేద రోగుల కోసం ఎన్నో సేవా కార్యక్రమాలు చేసారు. చేస్తూనే వున్నారు. అందుకే గాంధీ జయంతి రోజున గాంధేయ వాదిగా 'ఆనంద జ్యోతి ట్రస్ట్' నెలకొల్పి సేవా కార్యక్రమాలు చేపట్టారు.  మిమ్ములను ప్రోత్సహించడం, ముందుకు నడిపించడం మా బాధ్యత, కనీస కర్తవ్యం..

అన్యాయాన్ని అరికట్టడం కోసం... దగా పడ్డ తమ్ముళ్లు చెల్లెళ్లకు చేయూతనివ్వడం కోసం.....నిద్రాణమైయున్న మన సమాజాన్ని మేల్కొల్పడం కోసం.....అన్న పూర్ణ దేశంగా పేరు గాంచిన మన సమాజములోని కటిక పేదల కోసం.... అభాగ్యులను, నిరుపేదలను ఆదుకోవడం కోసం .....విద్య వైద్యం అందరి హక్కు అనిచెప్పడం కాదు చేసి చూపించే ఉత్తమ నాయకుల కొరకు ఎదురు చూసే ఈ సమాజము కోసం…. మీలాంటి వారు రాజకీయ ప్రవేశం చేసి చట్ట సభల్లో మీ గళం వినిపించాలి. సామాన్య ప్రజల అభివృద్ధి కోసం పాటు పడుతున్న మీ లాంటి వారు ప్రజా క్షేత్రములోకిరావాలనియువకులు, మహిళలు, బడుగు బలహీన వర్గాల వారంతా మీకు జేజేలుపలుకుతున్నారు. రాజకీయ నాయకునిగా మాకు అండగా నిల్చోమని సాదరంగా మన సమాజం అంతా మీకు ఆహ్వానం పలుకుతుంది.

ఇట్లు

 డాక్టర్ సంజీవ్ కుమార్ అభిమాన సేవా సంఘం, కర్నూలు జిల్లా.

వేగంగా రాజధాని అమరావతి నిర్మాణం

 

 

                    ఆంధ్రప్రదేశ్ రాజధాని, ఆధునిక అమరావతి నిర్మాణం శరవేగంగా జరుగుతోంది. రాష్ట్ర ప్రభుత్వం పట్టుదలతో  అత్యంత ప్రతిష్టాత్మకంగా దీనిని నిర్మిస్తోంది. రాజధానికి సంబంధించి రాష్ట్ర ప్రభుత్వం, ముఖ్యంగా అమరావతి రూప శిల్పి ముఖ్యమంత్రి నారా చంద్రబాబు నాయుడు తీసుకున్న నిర్ణయాలను ఆంధ్రప్రదేశ్ రాజధాని ప్రాంత ప్రాధికార సంస్థ(సీఆర్డీఏ), అమరావతి అభివృద్ధి సంస్థ(ఏడీబీ)లు సమర్థవంతంగా, అత్యంత వేగంగా అమలు చేయడంలో కీలక భూమిక పోషిస్తున్నాయి. ముఖ్యంగా భూ సమీకరణ దగ్గర నుంచి సీఆర్డీఏ కమిషనర్ తోపాటు ఆ సంస్థలోని అన్ని విభాగాల సిబ్బంది కృషి ప్రశంసనీయమైనది. మన రాష్ట్రానికి పూర్తిగా కొత్త అయిన ల్యాండ్ పూలింగ్(భూ సమీకరణ) విధానాన్ని ఆచరణలో అమలు చేయడంలో వారు విజయం సాధించారు. ఇతర రాష్ట్రాల వారికి ఆదర్శంగా నిలిచారు. గుంటూరు జిల్లాలోని కృష్ణా నది ఒడ్డున 29 గ్రామాల పరిధిలో 217.23 చదరపు కిలోమీటర్ల విస్తీర్ణంలో అంతర్జాతీయ స్థాయిలో అత్యాధునిక టెక్నాలజీతో  జల కళ, పచ్చదనం పరుచుకున్న అద్భుతమైన మహానగరంగా రాజధానిని నిర్మించాలన్నది ప్రభుత్వ లక్ష్యం. ఉమ్మడి రాజధానిగా హైదరాబాద్ నుంచి పరిపాలన కొనసాగించుకోవడానికి పదేళ్లు హక్కు ఉన్నా, నవ్యాంధ్ర నుంచే ప్రభుత్వ పాలనా వ్యవహారాలు నిర్వహించాలని సీఎం చంద్రబాబు భావించారు. ఆ క్రమంలో నూతన రాజధానిలో వెలగపూడి గ్రామం వద్ద తాత్కాలిక సచివాలయం(ఐజీసీ-ఇంటెర్మ్ గవర్నమెంట్ కాంప్లెక్స్)లోని 5 బ్లాక్ లను రికార్డు స్థాయిలో 4 నెలలో నిర్మించారు. శాసన మండలి, శాసనసభ భవన సముదాయాన్ని 192 రోజుల్లో నిర్మించి మరో రికార్డు సృష్టించారు. ఈ నగర నిర్మాణ అంచనా వ్యయం రూ.లక్ష కోట్లు. ప్రస్తుతం రూ.40వేల కోట్ల విలువైన పనులు జరుగుతున్నాయి. రోడ్లు, డక్ట్ (భూగర్భంలో కేబుల్ వ్యవస్థకు ఏర్పాటు చేసిన మార్గం) ద్వారా కేబుల్ గ్రిడ్, గ్యాస్, విద్యుత్, పైప్ లైన్లు,  నీటి పారుదల వ్యవస్థ వంటి మౌలిక సదుపాయాలతోపాటు పరిపాలనా భవనాలు, అన్ని వర్గాల వారికి వసతి గృహాలు, ప్రైవేటు సంస్థల భవనాల నిర్మాణ పనులు అన్నీ ఏక కాలంలో వేగంగా జరగడం దీని ప్రత్యేకత.  దేశంలో డక్ట్ లను వినియోగిస్తున్న రాష్ట్రం మనదే.   నగరంలోని రోడ్లు, కూడలులు, ఇతర కట్టడాలు, ప్రభుత్వ భవంతుల నిర్మాణంలో అడుగడుగున తెలుగు జాతి చరిత్ర, సంస్కృతి  ఉట్టిపడేవిధంగా  ఆకృతులు రూపొందించారు. ఆ విధంగానే నిర్మిస్తున్నారు. రాజధానిలో ప్రధాన అనుసంధాన రహదారి (సీడ్‌ యాక్సెస్‌ రోడ్డు) సహా మొత్తం 35 ప్రధాన రహదారుల నిర్మాణం వేగంగా జరుగుతోంది. రోడ్లను విశాలంగా నిర్మించడంతోపాటు నడక దారులు, ఇరు పక్కల మొక్కలు నాటుతున్నారు. కొన్ని రోడ్ల వెంట ఇప్పటికే పలు రకాల పూల మొక్కలు నాటారు.

             ప్రపంచ స్థాయిలో నిర్మించే ఈ మహానగర రూపకల్పనలో ఎన్నో ప్రత్యేకతలు ఉన్నాయి. ఈ నగరానికి ఆధునిక హంగులన్నీ సమకూరుస్తున్నారు.  సాంప్రదాయ నిర్మాణాలకు భిన్నంగా అత్యంత ఆధునిక విదేశీ టెక్నాలజీని వినియోగించి  నిర్మాణాలు కొనసాగిస్తున్నారు. ఒక్క ఇటుక కూడా వినియోగించకుండా మలేషియాలో అభివృద్ధి చేసిన షీర్ వాల్ టెక్నాలజీని వినియోగిస్తున్నారు. స్లాబ్‌తో పాటు  గోడల నిర్మాణాన్ని ఏకకాలంలో  పూర్తి చేయడం ఈ టెక్నాలజీ ప్రత్యేకత. భవన నిర్మాణ ఆకృతికి తగిన విధంగా అల్యూమినియం మౌల్డింగ్‌ను తయారు చేస్తారు.  పిల్లర్లతో పాటు గోడల్ని కూడా కాంక్రీట్, ఇనుము మిశ్రమం కలిపి వేగంగా కట్టుకుంటూ వెళ్లిపోతారు.  ఇలా ఒక దాని వెంట ఒక ఫ్లోర్  నిర్మిస్తారు. ఈ విధానంలో భవన నిర్మాణ సమయం చాలా వరకు తగ్గుతుంది.  నూతన ప్రయోగాలలో  భాగంగా  ప్రీ కాస్ట్ టెక్నాలజీని కూడా ఇక్కడ వినియోగిస్తున్నారు. ఈ విధానంలో  భవన నిర్మాణానికి కావలసిన కాంక్రీట్, ఇనుము వంటి వాటితో తయారు చేసిన కొన్ని ఆకృతులను, పెద్ద దిమ్మెలను ఇతర ప్రాంతాలలో తయారు చేసి, వాటిని తీసుకువచ్చి ఇక్కడ బిగిస్తారు. దాంతో నిర్మాణాలు త్వరగా పూర్తి అవుతున్నాయి. సాధారణంగా ఇక్కడ నిర్మించేటంతటి భవనాలు నిర్మించడానికి రెండు, మూడు ఏళ్లు పడుతుంది. కానీ ఆధునిక టెక్నాలజీ వినియోగించడంతో వారానికో అంతస్తు లేస్తోంది. పలు  బహుళ అంతస్తుల టవర్లు, న్యాయమూర్తులు, మంత్రులు, అధికారులు, ఉద్యోగులకు 3800 ఫ్లాట్ల నిర్మాణం ఏక కాలంలో జరుగుతున్నాయి.  ఈ విధంగా నెలల్లో నిర్మాణాలు పూర్తి చేస్తున్నారు. అంబేద్కర్ స్మృతి వనం నిర్మాణం కూడా కొనసాగుతోంది.

             రాయపూడి-కొండమరాజుపాలెం వద్ద అత్యంత ఆధునిక హంగులతో అంతర్జాతీయ స్థాయిలో  ర్యాఫ్ట్ పౌండేషన్ ద్వారా నిర్మిస్తున్న శాశ్వత సచివాలయం నిర్మాణానికి ప్రపంచ స్థాయిలో గుర్తింపు లభిస్తోంది. దీనికి గత ఏడాది డిసెంబర్ 27న ముఖ్యమంత్రి చంద్రబాబు నాయుడు శంకుస్థాపన చేశారు.   ‘డయాగ్రిడ్’ సాంకేతిక పరిజ్ఞానం వినియోగించి  సచివాలయం శాఖాధిపతుల కార్యాలయ భవన సముదాయం నిర్మించడం ప్రపంచంలో ఇదే మొదటిసారి. అంతర్జాతీయంగా అతి ఎత్తైన సచివాలయం కూడా ఇదే అవుతుంది.  41 ఎకరాల్లో 56 లక్షల చదరపు అడుగుల్లో 250 మీటర్ల ఎత్తులో శాశ్వత సచివాలయం నిర్మిస్తున్నారు. 40 అంతస్తులతో 4 టవర్లు, 50 అంతస్తులతో మరో టవర్  నిర్మిస్తారు. ఈ నిర్మాణాలన్నిటికీ పిల్లర్లు ఉండవు.  సచివాలయం నిర్మాణానికి 12 వేల క్యూబిక్ మీటర్ల మేర 13 అడుగుల లోతులో ర్యాఫ్ట్ ఫౌండేషన్ వేశారు. దేశంలో ఈ తరహా భారీ నిర్మాణం ఇదే. ముఖ్యమంత్రి, సాధారణ పరిపాలన శాఖకు సంబంధించిన 50 అంతస్థుల టవర్ కోసం 11,300 క్యూబిక్ మీటర్ల కాంక్రీట్ వినియోగించారు. ఈ పనిని నిర్విరామంగా 55 గంటల్లో పూర్తి చేసి రికార్డు నెలకొల్పారు.  రాజధాని నిర్మాణం జెట్ స్పీడ్ తో జరగడానికి దాదాపు 20వేల మంది కార్మికులు రాత్రి, పగలు నిరంతరం శ్రమిస్తున్నారు. జ్యుడిషియల్ కాంప్లెక్స్ భవన సముదాయ నిర్మాణాన్ని ఆధునిక టెక్నాలజీతో చాలా వేగంగా 192 రోజుల్లో పూర్తి చేశారు. ఆంధ్రప్రదేశ్ తాత్కాలిక హైకోర్టుని ఇక్కడే నిర్వహిస్తారు. ఫిబ్రవరి 3న ఈ భవనాన్ని భాతర అత్యున్నత న్యాయ స్థానం ప్రధాన న్యాయమూర్తి రంజన్ గొగోయి ప్రారంభించారు. ఆ తరువాత కొత్తగా నిర్మించే హైకోర్టుకు శంకుస్థాపన కూడా చేశారు. రాజధానిలో ఇల్లు లేని దాదాపు 5 వేల మంది పేదలకు ఇళ్లు నిర్మించారు.  ప్రభుత్వ గృహ నిర్మాణాలు మార్చి నాటికి పూర్తి చేయించాలన్న పట్టుదలతో ఏపీ సీఆర్డీఏ ఉంది. మరో పక్క ప్రైవేటు భవనాల నిర్మాణం కూడా జరుగుతోంది. విట్, ఎస్ఆర్ఎం విశ్వవిద్యాలయ భవనాలు నిర్మించారు. తరగతులు కూడా నిర్వహిస్తున్నారు. మరి కొన్ని విద్యా సంస్థలు, బీఆర్ ఎస్ మెడి సీటీ, ఏపీఎన్ఆర్టీ భవనాలు, టీటీడీ వారి ఆలయం, కృష్ణా నదిపై కూచిపూగి ఐకానిక్ బ్రిడ్జి, నీటి శుద్ధి కేంద్రం నిర్మాణానికి శంకుస్థాపనలు చేశారు.

                    అమరావతిలోని పరిపాలనా నగరంలో భద్రతాపరంగా ఎటువంటి ఇబ్బందులు తలెత్తకుండా నూతన సాంకేతిక పరిజ్ఞానాన్ని వినియోగిస్తారు. నగరం మొత్తం ఫేస్‌ డిటెక్షన్‌ సహా పలు అత్యాధునిక భద్రతా ఏర్పాట్లు చేస్తారు. నగరంలో కాలుష్యాన్ని తగ్గించడానికి ప్రభుత్వం విద్యుత్ వాహనాలను ప్రోత్సహిస్తోంది. ఇప్పటికే సచివాలయంలో విద్యుత్ వాహనాలను వాడుతున్నారు. కొంతమంది సచివాలయ, సీఆర్డీఏ అధికారులు కూడా ఈ వాహనాలను వాడుతున్నారు. సచివాలయంలో, విజయవాడలోని సీఆర్డీఏ కార్యాలయంలో విద్యుత్ ఛార్జింగ్ యూనిట్లను కూడా ఏర్పాటు చేశారు. అంతేకాకుండా రాజధాని నగరంలో ఉష్టోగ్రతను తగ్గించడానికి  ఆధునిక టెక్నాలజీని వినియోగించనున్నారు. నగరం అంతటికీ ఉపయోగపడేవిధంగా డిస్ట్రిక్ట్ కూలింగ్ సిస్టమ్(కేంద్రీకృత శీతలీకరణ వ్యవస్థ) ఏర్పాటు చేస్తారు. ఈ విషయమై యునైటెడ్ అరబ్ ఎమిరేట్స్ కు చెందిన సంస్థతో సీఆర్డీఏ అధికారులు సంప్రదింపులు జరుపుతున్నారు. ఈ వ్యవస్థ ఏర్పాటు చేయడం ద్వారా ప్రతి 440 మీటర్లకు ఒక కూల్ స్పాట్ ఏర్పాటు చేస్తారు. గ్యాస్, నీరు, విద్యుత్ మాదిరిగా కావలసిన ఇంటికి ఏసీని అందిస్తారు. ఇటువంటి వ్యవస్థ మన దేశంలో ఎక్కడాలేదు. అమరావతిలో 40 వేల టన్నుల సామర్ధ్యం కలిగిన ఈ వ్యవస్థను ఏర్పాటు చేయాలన్న ఆలోచనతో సీఆర్డీఏ ఉంది. ఈ విధంగా రాజధాని అమరావతిలో ప్రభుత్వ, ప్రైవేటు భవనాలు, మౌలిక వసతుల పనులు వేగంగా జరుగుతున్నాయి. అంతర్జాతీయ స్థాయి నగరాలలో ఉండే ఆధునిక సౌకర్యాలన్నిటిని సమకూరుస్తారు.  

-     శిరందాసు నాగార్జున, సీనియర్ జర్నలిస్ట్ – 9440222914

మన్నిక, టెక్నాలజీ, వేగం

అమరావతి నిర్మాణంలో ప్రత్యేకతలు

పచ్చదనం నిండిన కాలుష్య రహిత ఆనంద నగరం ఇది

ఆంధ్రుల కలల రాజధాని

    
         

    రాజధాని అమరావతి మహానగరం నిర్మాణంలో రికార్డులు సృష్టిస్తోంది. నాణ్యత, ఆధునిక టెక్నాలజీ, వేగం దీని నిర్మాణంలో ప్రత్యేకతలు. ప్రపంచంలోని ఆధునిక మహానగరాలకు ధీటుగా దీనిని నిర్మిస్తున్నారు. దీని నిర్మాణ క్రెడిట్ అంతా ముఖ్యమంత్రి చంద్రబాబు నాయుడుకే దక్కుతుంది. ప్రదేశం ఎంపిక, భూ సమీకరణ, మాస్టర్ ప్లాన్, తెలుసు సంస్కృతికి ప్రతిబింబంగా ఆకృతుల రూపకల్పన.... వంటి అన్ని విషయాలలో ఆయన ముద్ర ఉంది. రాజధాని అంటే ఒక్క పరిపాలనకే కాకుండా విద్య, వైద్యం, వాణిజ్యం, ఆర్థిక, సాంకేతిక, ఉపాధి మొదలైన  అంశాలన్నిటికీ ప్రాధాన్యత ఉండాలన్నది సీఎం ఉద్దేశం. ఆ రకంగానే అంతర్జాతీయ స్థాయిలో అన్ని అధునిక సౌకర్యాలు అందుబాటులో ఉండే విధంగా జలకళ-పచ్చదనం, కాలుష్యరహితంగా ఆహ్లాదకరమైన వాతావరణంలో ప్రజలు సంతోషంగా జీవించడానికి అనువైన ఆనంద నగరం నిర్మించాలన్నది చంద్రబాబు లక్ష్యం. రాష్ట్ర ప్రభుత్వం రూ.లక్ష కోట్ల అంచనా వ్యయంతో ఈ నగరాన్ని అత్యంత ప్రతిష్టాత్మకంగా, వేగంగా నిర్మిస్తోంది. వెలగపూడి గ్రామం వద్ద తాత్కాలిక సచివాలయం(ఐజీసీ-ఇంటెర్మ్ గవర్నమెంట్ కాంప్లెక్స్)లోని 5 బ్లాక్ లను రికార్డు స్థాయిలో 4 నెలలో నిర్మించారు. శాసన మండలి, శాసనసభ భవన సముదాయాన్ని 192 రోజుల్లో, అలాగే జ్యుడిషియల్ కాంప్లెక్స్(తాత్కాలిక హైకోర్టు)ని కూడా  192 రోజుల్లోనే నిర్మించి రికార్డు సృష్టించారు. ప్రవేటు రంగంలో కూడా విద్య, వైద్య సంస్థల నిర్మాణాలు వేగంగా జరుగుతున్నాయి. ఈ నగర నిర్మాణ అంచనా వ్యయం రూ.లక్ష కోట్లు. ఇప్పటికే దాదాపు రూ.40వేల కోట్ల పనులు మొదలు పెట్టారు. ప్రభుత్వ భవనాలు, గృహాల నిర్మాణాలు చురుకుగా జరుగుతున్నాయి. ఈ వేగం వెనుక ఆంధ్రప్రదేశ్ రాజధాని ప్రాంత ప్రాధికార సంస్థ(ఏపీసీఆర్డీఏ), దాని సిబ్బంది పాత్ర కీలకంగా ఉంటుంది.  సాంప్రదాయ నిర్మాణాలకు భిన్నంగా అత్యంత ఆధునిక విదేశీ టెక్నాలజీని వినియోగిస్తున్నారు. నాణ్యతకు ప్రాధాన్యత ఇస్తున్నారు.  ఒక్క ఇటుక కూడా వినియోగించకుండా మలేషియాలో అభివృద్ధి చేసిన షీర్ వాల్ టెక్నాలజీని వినియోగిస్తున్నారు. స్లాబ్‌తో పాటు  గోడల నిర్మాణాన్ని ఏకకాలంలో  పూర్తి చేయడం ఈ టెక్నాలజీ ప్రత్యేకత. భవన నిర్మాణ ఆకృతికి తగిన విధంగా అల్యూమినియం మౌల్డింగ్‌ను తయారు చేస్తారు.  పిల్లర్లతో పాటు గోడల్ని కూడా కాంక్రీట్, ఇనుము మిశ్రమం కలిపి వేగంగా కట్టుకుంటూ వెళ్లిపోతారు.  ఇలా ఒక దాని వెంట ఒక ఫ్లోర్  నిర్మిస్తారు. వీటికి తోడు ప్రీ కాస్ట్ టెక్నాలజీని కూడా వినియోగించడం వల్ల  భవన నిర్మాణ సమయం బాగా తగ్గుతోంది. భవన నిర్మాణానికి కావలసిన కాంక్రీట్, ఇనుము వంటి వాటితో తయారు చేసిన కొన్ని ఆకృతులను ఇతర చోట్ల తయారు చేసుకొని తీసుకువచ్చి ఇక్కడ బిగించే విధానాన్నే ప్రీకాస్ట్ టెక్నాలజీ అంటారు. సాధారణంగా ఇంత భవనాలు నిర్మించడానికి రెండు, మూడు ఏళ్లు పడుతుంది. కానీ ఇక్కడ వారానికో అంతస్తు పూర్తి అవుతోంది. పలు  బహుళ అంతస్తుల టవర్లు, న్యాయమూర్తులు,మంత్రులు, అధికారులు, ఉద్యోగులకు 3800 ఫ్లాట్ల నిర్మాణాలు ఏక కాలంలో జరుగుతున్నాయి.  నిర్మాణాలతోపాటు పచ్చదనానికి కూడా ప్రాధాన్యత ఇస్తున్నారు. ఒక పక్క సీడ్ యాక్సెస్ రోడ్డుతోపాటు 34 రోడ్ల నిర్మాణం జరుగుతుండగా, మరో పక్క ఆ రోడ్ల వెంట వివిధ రకాల మొక్కలను కూడా ఏక కాలంలో నాటుతున్నారు. రోడ్లు, నిర్మాణాలు జరిగే ప్రతి చోట పచ్చదనం పరుస్తున్నారు. ఈ విషయంలో అమరావతి డెవలప్ మెంట్ కార్పోరేషన్(ఏడిసి) ప్రత్యేక శ్రద్ధ వహిస్తోంది. నగరంలో కాలుష్యాన్ని తగ్గించడానికి విద్యుత్ వాహనాలను ప్రోత్సహించాలని ప్రభుత్వం నిర్ణయించింది. ఇప్పటికే కొంతమంది సచివాలయ, సీఆర్డీఏ అధికారులు  ఈ వాహనాలను వాడుతున్నారు. సచివాలయంలో, విజయవాడలోని సీఆర్డీఏ కార్యాలయంలో విద్యుత్ ఛార్జింగ్ యూనిట్లను ఏర్పాటు చేశారు. అంతేకాకుండా రాజధాని నగరంలో ఉష్టోగ్రతను తగ్గించడానికి  ప్రభుత్వం ఆధునిక టెక్నాలజీని వినియోగించనుంది. నగరం అంతటికీ ఉపయోగపడేవిధంగా డిస్ట్రిక్ట్ కూలింగ్ సిస్టమ్(కేంద్రీకృత శీతలీకరణ వ్యవస్థ) ఏర్పాటు చేయడానికి యునైటెడ్ అరబ్ ఎమిరేట్స్ కు చెందిన సంస్థతో సీఆర్డీఏ సంప్రదింపులు జరుపుతోంది. ఈ వ్యవస్థ ఏర్పాటు చేయడం ద్వారా ప్రతి440 మీటర్లకు ఒక కూల్ స్పాట్ ఏర్పాటు చేస్తారు. గ్యాస్, నీరు, విద్యుత్ మాదిరిగా కావలసిన ఇంటికి ఏసీని సరఫరా చేస్తారు. అమరావతిలో 40 వేల టన్నుల సామర్ధ్యం కలిగిన ఈ వ్యవస్థను ఏర్పాటు చేయాలన్న ఆలోచనతో సీఆర్డీఏ ఉంది. ఇటువంటి వ్యవస్థ ప్రస్తుతానికి మన దేశంలో ఎక్కడాలేదు.

             రాయపూడి-కొండమరాజుపాలెం వద్ద   ర్యాఫ్ట్ పౌండేషన్ ద్వారా నిర్మిస్తున్న శాశ్వత సచివాలయం నిర్మాణానికి ప్రపంచ స్థాయిలో గుర్తింపు లభిస్తోంది. దీనికి 2018 డిసెంబర్ 27న సీఎం చంద్రబాబు శంకుస్థాపన చేశారు.  ‘డయాగ్రిడ్’ సాంకేతిక పరిజ్ఞానం వినియోగించి ప్రపంచంలోనే మొదటిసారిగా   సచివాలయ శాఖాధిపతుల కార్యాలయ భవన సముదాయాన్ని నిర్మిస్తున్నారు. అతి ఎత్తైన సచివాలయం కూడా ఇదే అవుతుంది.  40 అంతస్తులతో 4 టవర్లు, 50అంతస్తులతో మరో టవర్  నిర్మిస్తారు. ఈ నిర్మాణాలన్నిటికీ పిల్లర్లు ఉండవు.  సచివాలయం నిర్మాణానికి 12 వేల క్యూబిక్ మీటర్ల మేర 13 అడుగుల లోతులో ర్యాఫ్ట్ ఫౌండేషన్ వేశారు. దేశంలో ఈ తరహా భారీ నిర్మాణం ఇదే. ముఖ్యమంత్రి,సాధారణ పరిపాలన శాఖకు సంబంధించిన 50 అంతస్థుల టవర్ కోసం 11,300క్యూబిక్ మీటర్ల కాంక్రీట్ వినియోగించారు. ఈ పనిని నిర్విరామంగా 55 గంటల్లో పూర్తి చేసి రికార్డు నెలకొల్పారు. భూగర్భ డ్రైనేజీతో పాటు తాగునీటి వ్యవస్థ పైపులు, గ్యాస్, విద్యుత్, కేబుల్ గ్రిడ్ వంటి వాటిని డక్ట్ ద్వారా భూగర్భంలోనే అమర్చుతున్నారు. ఈ విధంగా దేశంలో డక్ట్ లను వినియోగిస్తున్న రాష్ట్రం కూడా మనదే.  ఈ రకంగా అనేక రికార్డులు అమరావతి సొంతం చేసుకుంటుంది. రాజధాని నిర్మాణం జెట్ స్పీడ్ తో జరగడానికి దాదాపు 20వేల మంది కార్మికులు రాత్రి,పగలు నిరంతరం శ్రమిస్తున్నారు.  అమరావతి పరిపాలనా నగరంలో భద్రతాపరంగా కట్టుదిట్టమైన చర్యలు తీసుకుంటారు. ఎటువంటి ఇబ్బందులు తలెత్తకుండా ఆధునిక సాంకేతిక పరిజ్ఞానాన్ని వినియోగిస్తారు. నగరం మొత్తం ఫేస్‌ డిటెక్షన్‌ సహా పలు అత్యాధునిక భద్రతా ఏర్పాట్లు చేస్తారు. ఈ విధంగా అమరావతి నగరంలోని ప్రజలు సంతోషంగా, ఆనందంగా జీవించడానికి అన్ని విధాల  అనుకూల వాతావరణాన్ని  ప్రభుత్వం ఏర్పరుస్తోంది.

-     శిరందాసు నాగార్జున, సీనియర్ జర్నలిస్ట్ – 9440222914

ఏపీ టైలరింగ్ ఫెడరేషన్ ఏర్పాటు చేసినందుకు 

సీఎంకు కృతజ్ఞతలు తెలిపిన ఆకాశపు స్వామి

   

     సచివాలయం, ఫిబ్రవరి 19 :  టైలర్ల సమస్యల పరిష్కారానికి భారతదేశంలోనే
మొదటిసారిగా ఫెడరేషన్ ఏర్పాటు చేసినందుకు ముఖ్యమంత్రి
చంద్రబాబునాయుడుకు ఏపీ టైలరింగ్ ఫెడరేషన్ ఛైర్మన్  ఆకాశపు స్వామి
కృతజ్ఞతలు తెలిపారు.  రెడీమేడ్ రంగం వల్ల దర్జీలకు సగం రోజులు పనిలేకుండా
పోతోందని వారి సమస్యలు పరిష్కరించేందుకు సీఎం సానుకూలంగా స్పందించారని 
సచివాలయంలో జరిగిన మీడియా సమావేశంలో ఆకారపు స్వామి వెల్లడించారు.
దర్జీలకు వంద యూనిట్ల కరెంటు ఉచితంగా ఇవ్వాలని, 50 సంవత్సరాలకే
ఫించను, రాయితీపై మెటీరియల్ సరఫరా, దర్జీలకు ప్రభుత్వ రాయితీతో ఇళ్ల
నిర్మాణాలు చేపట్టడానికి సీఎం అంగీకరించారని స్వామి తెలిపారు.  ఆధునిక కుట్టు
మిషన్లతో టెక్స్ టైల్ పార్కులు ఏర్పాటు చేసి, బ్రాండింగ్ చేసేందుకు కూడా సీఎం
అంగీకరించినందుకు ఫెడరేషన్ సభ్యులు సీఎంకు కృతజ్ఞతలు తెలిపారు. దర్జీల
సంక్షేమం కోసం త్వరలో ఫెడరేషన్ కు తగినన్ని నిధులు కేటాయించేందుకు సీఎం
అంగీకరించారని స్వామి తెలిపారు. సీఎం చంద్రబాబునాయుడును మరలా
గెలిపించేందుకు ప్రతిఒక్కరు కృషి చేయాలని ఏపీ టైలరింగ్ ఫెడరేషన్ ఛైర్మన్
ఆకాశపు స్వామి కోరారు. రాష్ట్ర వ్యాప్తంగా ఈ వృత్తిపై 11 లక్షల మంది
జీవిస్తున్నారని యూనియన్ ప్రధాన కార్యదర్శి లాలం శ్రీనివాసరావు గుర్తుచేశారు.
దర్జీ వృత్తి అంతరించిపోకుండా రాయితీతో ఆధునిక పరికరాలు సరఫరా చేయాడానికి
సీఎం అంగీకరించినందుకు యూనియన్ ప్రధాన కార్యదర్శి లాలం శ్రీనివాసరావు
సీఎం కు కృతజ్ఞతలు తెలిపారు.

గ్రామస్థాయి నుంచి ప్రణాళికలు

నబార్డ్ స్టేట్ క్రెడిట్ సెమినార్ లో సీఎస్ అనీల్ చంద్ర పునీఠ సూచన

                   సచివాలయం, ఫిబ్రవరి 19: వ్యవసాయ రంగ అభివృద్ధికి, గ్రామీణ ఉపాధి అవకాశాల మెరుగు కోసం గ్రామీణ స్థాయి నుంచి బ్యాంకర్లు  ప్రణాళికలు రూపొందించాలని ప్రభుత్వ ప్రధాన కార్యదర్శి(సీఎస్) అనీల్ చంద్ర పునీఠ సూచన చేశారు. సచివాలయం 5వ బ్లాక్ లో నబార్డ్ ఆధ్వర్యంలో మంగళవారం ఉదయం జరిగిన ఆంధ్రప్రదేశ్ 2019-20 స్టేట్ క్రెడిట్ సెమినార్ లో ఆయన ప్రసంగించారు. ప్రణాళికలు గ్రామ, మండల దిగువ స్థాయి నుంచి సెక్టార్ల ప్రకారం తయారు చేస్తే ఫలితాలు ఉంటాయన్నారు. విజన్ డాక్యుమెంట్ రూపొందించుకోవాలన్నారు. ప్రజా సంక్షేమాన్ని దృష్టిలో పెట్టుకుని ఆంధ్రప్రదేశ్ ప్రభుత్వ అనేక పథకాలు ప్రవేశపెట్టి, వాటిని అమలు చేయడంలో దేశంలో ముందుందని చెప్పారు. కేంద్ర ప్రభుత్వం, ఇతర జాతీయ, అంతర్జాతీయ సంస్థల నుంచి రాష్ట్రానికి 650 అవార్డులు వచ్చినట్లు తెలిపారు. ప్రగతి సాధించడంలో ఏపీని మంచి ఉదాహరణగా చెప్పవచ్చన్నారు. ముఖ్యమంత్రి చంద్రబాబు ఆధ్వర్యంలో అన్ని శాఖల కార్యదర్శులు, శాఖాధిపతుల కృషి ఫలితంగా సమ్మిళిత అభివృద్ధి సాధించినట్లు సీఎస్ తెలిపారు. అంతకు ముందు నబార్డ్ ఏపీ ప్రాంతీయ ఛీఫ్ జనరల్ మేనేజర్ కె.సురేష్ కుమార్ మాట్లాడుతూ 2019-20 ఆర్థిక సంవత్సరానికి నబార్డ్ రూ.1,87,061 కోట్ల రుణ ప్రణాళికతో స్టేట్ ఫోకస్ పేపర్ రూపొందించినట్లు తెలిపారు. వ్యవసాయం, దాని అనుబంధ రంగాలకు అత్యధికంగా రూ.1,23,526 కోట్లు, ఎంఎస్ఎంఈకి రూ.32,906 కోట్లు కేటాయించినట్లు వివరించారు. గత మూడున్నర దశాబ్దాలుగా నబార్డ్ వ్యవసాయ రుణ ప్రళానికకు ప్రాధాన్యత ఇస్తున్నట్లు తెలిపారు. జిల్లా స్థాయి ప్రణాళికలతో స్థానిక వనరుల ఉపయోగానికి, నైపుణ్యానికి ప్రాధాన్యత ఇస్తున్నట్లు చెప్పారు. ప్రాధమిక రంగం, అర్బన్ డెవలప్ మెంట్ వంటి ఏడు మిషన్లను దృష్టిలో పెట్టుకొని సమ్మిళిత అభివృద్ధికి కృషి చేస్తున్నట్లు తెలిపారు. రాష్ట్రంలో మంచి బ్యాంకింగ్ నెట్ వర్క్ ఉందన్నారు.  ప్రణాళిక సంఘం ఉపాధ్యక్షుడు కుటుంబ రావు మాట్లాడుతూ ప్రకృతి వ్యవసాయంలో రాష్ట్రం అద్వితీయమైన అభివృద్ధి సాధిస్తున్నట్లు చెప్పారు. రాష్ట్రం రెండంకెల వృద్ధి రేటు సాధిస్తున్నట్లు తెలిపారు.  గృహ నిర్మాణానికి రుణాలు మంజూరు చేయడంలో బ్యాంకులు సహకరించాలని కోరారు.

                     వ్యవసాయ శాఖ ప్రత్యేక ప్రధాన కార్యదర్శి బి.రాజశేఖర్ మాట్లాడుతూ ప్రకృతి వ్యవసాయం-జడ్ బీఎన్ఎఫ్(జీరో బేస్డ్ నేచురల్ ఫార్మమింగ్)కు సంబంధించి ఆంధ్రప్రదేశ్  త్వరలో ప్రపంచం దృష్టిని ఆకర్షిస్తుందని చెప్పారు. ప్రస్తుతం 5 లక్షల మంది రైతులు 5 లక్షల ఎకరాల్లో  ఈ సాగు చేస్తున్నట్లు తెలిపారు. దీనికి అంతర్జాతీయ సంస్థలు సహకారం అందిస్తున్నట్లు చెప్పారు. మన దేశంలో ఈ సాగుని పరిశీలించడానికి అనేక దేశాల వారు ఆసక్తి చూపుతున్నట్లు తెలిపారు. 2022 నాటికి 60 లక్షల ఎకరాల్లో సాగు చేయాలన్నది లక్ష్యంగా పేర్కొన్నారు. బ్యాంకులు కౌలుదారులకు రుణాలు అందించాలన్నారు. అన్నదాత ఎవరు? వాస్తవ వ్యవసాయదారులు ఎవరు? అనేది గుర్తించవలసిన అవసరం ఉందన్నారు. నిజమైన వ్యవసాయదారునికి ఫలితాలు చేరే విధంగా చర్యలు తీసుకోవాలన్నారు. అన్నదాత సుఖీభవ పథకం కింద ఒక్కో వ్యవసాయ కుటుంబానికి రూ.15 వేలు ఇవ్వనున్నట్లు తెలిపారు. ముఖ్యమంత్రి చంద్రబాబు నాయుడు ఈ పథకం ప్రకటించిన 24 గంటల లోపల అమలులోకి వచ్చిందన్నారు. మొదటగా రైతుల ఖాతాలలో రూ.1000లు జమ చేసినట్లు చెప్పారు. ఈ విధంగా మొత్తం రూ.498 కోట్లు జమ చేసినట్లు రాజశేఖర్ తెలిపారు. రిజర్వు బ్యాంక్ ఆఫ్ ఇండియా రీజినల్ డైరెక్టర్ సుబ్రతా దాస్ మాట్లాడుతూ ఆంధ్రప్రదేశ్ రాష్ట్రం రెండంకెల వృద్ధి రేటుతో శరవేగంగా అభివృద్ధి చెందుతోందన్నారు. వ్యవసాయ రంగంలో మౌలిక వసతులకు నబార్డ్ ప్రాధాన్యత ఇస్తున్నట్లు తెలిపారు. భవిష్యత్ లో ఇచ్చే రుణాలు, ఆర్థిక సహాయానికి ఫోకస్ పేపర్ ప్రాధమికమైనదని చెప్పారు. హార్టీ కల్చర్ కమిషనర్ చిరంజీవి చౌదరి,  ఫిషరీస్ శాఖ కమిషనర్ రామ్ శంకర్ నాయక్, ఎస్ఎల్బీసీ కన్వీనర్ కెఎస్డీ శివ వరప్రసాద్, నాబార్డ్ జీఎం కె.ఎస్.రఘుపతి, ఏజీఎం పీ.రామలక్ష్మి తదితరులు ప్రసంగించారు. ఈ సెమినార్ లో  వివిధ బ్యాంకుల అధికారులు పాల్గొన్నారు.

సాంఘీక సంక్షేమ శాఖలో లిడ్ క్యాప్ విలీనం

మంత్రి జవహర్, ఆర్టీసి చైర్మన్ వర్ల, ఎమ్మెల్సీ డొక్కా,

లిడ్ క్యాప్ చైర్మన్ ఎరిక్సన్ బాబు కృతజ్ఞతలు

                 సచివాలయం, ఫిబ్రవరి 18: పరిశ్రమలు, వాణిజ్య శాఖ నుంచి  లిడ్ క్యాప్ (లెదర్ ఇండస్ట్రీస్ డెవలప్ మెంట్ కార్పోరేషన్ ఆఫ్ ఆంధ్రప్రదేశ్)ను విడదీసి సాంఘీక సంక్షేమ శాఖలో విలీనం చేసినందుకు మంత్రి జవహర్, ఆర్టీ చైర్మన్ వర్ల రామయ్య, శాసన మండలిలో ప్రభుత్వ విప్ డొక్కా మాణిక్య వరప్రసాద్, లిడ్ క్యాప్ చైర్మన్ ఎరిక్సన్ బాబులు హర్షం వ్యక్తం చేస్తూ  ముఖ్యమంత్రి చంద్రబాబు నాయుడుకు కృతజ్ఞతలు తెలిపారు. సచివాలయంలో సోమవారం సాయంత్రం వారు మీడియాతో మాట్లాడారు. కొత్తగా జారీ చేసిన జీవో ఎంఎస్ నెంబర్ 65 ప్రకారం మాదిగ, మాదిగ ఉప కులాలకు  ఆయా వర్గాల జనాభా దామాషా ప్రకారం సహాయం చేయడానికి అవకాశం ఏర్పడుతుందని మంత్రి జవహర్ తెలిపారు. అమలాపురం ఎంపీ పందుల రవీంద్ర ముందు తన ఇంటి పేరుపై స్పష్టత ఇవ్వాలన్నారు. ఆయన ప్రవర్తన తల్లిపాలు త్రాగి రొమ్ము గుద్దినట్లు ఉందని విమర్శించారు. ఆయన చంద్రబాబు నాయుడుని విమర్శించడాన్ని దృష్టిలో పెట్టుకొని సూర్యుడిపై ఉమ్మివేస్తే తన మీదే పడుతుందన్నారు.

               ఆర్టీసి చైర్మన్ వర్ల రామయ్య మాట్లాడుతూ జీఓ నెంబర్ 65 జారీ చేసినందుకు మాదిగ, ఉప కులాల తరపున ముఖ్యమంత్రి చంద్రబాబు నాయుడుకు కృతజ్ఞతలు తెలిపారు. ఒక కార్పోరేషన్ ఏర్పాటు చేసిన మాదిరిగా సంక్షేమ ఫలాలు మాదిగలకు, ఆయా ఉప కులాలకు చేరే అవకాశం ఉందన్నారు. ఈ జీఓ మాదిగలకు ఓ పెద్ద వరంగా పేర్కొన్నారు. ఇది సాహసోపేత నిర్ణయంగా వర్ల పేర్కొన్నారు. ఎంపీ పందుల రవీంద్ర నీడనిచ్చే చెట్టుని నరుక్కున్నారన్నారు. ఎండమావులను చూసి నీళ్లనుకున్నారని విమర్శించారు.

          ఎమ్మెల్సీ డొక్కా మాణిక్య వరప్రసాద్ మాట్లాడుతూ దళితులు, మాల, మాదిగ వర్గాలకు చంద్రబాబు నాయుడు ప్రభుత్వం కోట్లాది రూపాయలు వెచ్చిస్తున్నట్లు తెలిపారు. లిడ్ క్యాప్ చైర్మన్ గా గూడూరి ఎరిక్సన్ బాబుని నియమించడం పట్ల ఆయన సంతోషం వ్యక్తం చేశారు. పార్టీ మారిన ఎంపీ రవీంద్ర బురద జల్లే కార్యక్రమాన్ని ఖండిస్తున్నట్లు చెప్పారు. పార్టీ మారడం అనేది ఆయన ఇష్టమని, అయితే నిందారోపణలు చేయడం తగదన్నారు. అది మంచి సంప్రదాయం కాదన్నారు. దళితులకు చెడ్డ పేరు తేవద్దని, ఆ వ్యాఖ్యలు ఉపసంహరించుకోవాలన్నారు. అవాకులు చెవాకులు మానుకోమని సలహా ఇచ్చారు.

            లిడ్ క్యాప్ చైర్మన్ ఎరిక్సన్ బాబు మాట్లాడుతూ రాష్ట్రంలో 40 లక్షల వరకు మాదిగలు ఉన్నట్లు తెలిపారు. కార్పోరేషన్ చైర్మన్ గా మాదిగ సామాజిక వర్గానికి సేవ చేసే అవకాశం కల్పించినందుకు సీఎం చంద్రబాబు నాయుడుకు ఆయన కృతజ్ఞతలు తెలిపారు.